نشرت الممثلة السورية نسرين طافش، مجموعة من الصور الجديدة لها، عبر حسابها الخاص على منصة انستغرام، وهي تقوم بتحضير الطعام
وظهرت الممثلة السورية في الصور، وهي ترتدي قميص باللون الأبيض، واعتمدت تسريحة شعر مربوطة إلى الخلف، وطبقت ماكياجاً خفيفاً
وبدت الفنانة السورية، وهي تقوم بتحضير أطباق من الطعام النباتي، الذي تعتمده كنظام غذائي رئيسي في حياتها
وعلقت طافش على الصور بالقول: شهر رمضان قرب كتير، ربي يجعلو خير وسلام ومحبة ورحمة لكل الناس، وبما انو في كتير ناس بدل ما تحافظ على صحتها برمضان بيجي وقت الإفطار وبياكلو شو ما كان وبيزيد وزنهم وبيتدايقوا
وأضافت: خلونا نحط نية بهالشهر انو اكلنا يكون صحي أكثر فيه خضرة وفواكي أكتر ولحوم أقل، خاصة انو كلنا صرنا منعرف شو المداجن الكبيرة بتطعمي الحيوانات (هورمونات) يعني اللحوم ما بقت نضيفة مثل على زمن ستي وجدي، وللأسف تبرمجنا برمجة خاطئة لوقت طويل انو الأكل الصحي مثل اكل المستشفيات مالو طعم وهاد خطأ وغير حقيقي أبداً
وتابعت: يللي بيتابعوني منيح بيعرفو اني بحب الطبخ، وتحويل مكونات بسيطة لشيء جديد لذيذ متعة بالنسبة الي، يللي البعض ما بيعرفو إني تلاتة اربع نباتية من سنتين، لأني لسا باكل سمك مرة بالأسبوع، وكل كم شهرين أو ثلاثة لو اشتهيت اكلة بحبها فيها دجاج أو لحمة ممكن أكل منها وممكن لا، بدون ما حس بالحرمان أو اضغط على نفسي وما بعمل دايت، وبلعب رياضة بانتظام ومعتمدة على البروتين النباتي الطبيعي من الاكل، إلي سنتين ما اشتكيت من شي بفضل ربي، ما باكل سكر صناعي أو طحين، ولا بشرب حليب بقري مصنع ولا مشروبات غازية، يعني أكلي صحي بنسبة تسعين بالمئة
وختمت طافش تعليقها بالقول: أنا مو هون لأتفلسف عليكن وورجيكون شطارتي، أنا هون لأعطيكم فكرة قديش الأكل النباتي طيب ومتنوع وفيه بركة وأخف على جيبتكون، ما عم قول صيرو نباتيين لا كل إنسان حر شو بياكل، بس هالكلام ممكن يساعدك ويشجعك تهتم بصحتك أكثر وتدخل أكل مش مطبوخ لوجباتك وتضيف خضرة أكتر وفواكي وبالتدريج يصير اكلك صحي أكثر… ربي يديم نعمة الصحة عليكن ورمضان كريم
وحصد المنشور أكثر من 93 ألف إعجاب و1300 تعليق خلال أقل من يومين بعد نشره
ولاقى المنشور تفاعلاً كبيراً بين المتابعين ورواد مواقع التواصل، الذين أثنوا على طريقة نسرين في اختيار نظامها الغذائي، متمنين لها شهراً فضيلاً مليئاً بالرحمة والخير والمحبة والسلام
